23/12/08


ATÉ O ANO QUE VEN COA MOCHILA VIAXEIRA!!!

Neste trepidante final do 1º trimestre no que se xuntan os exames, os traballos de última hora para subir nota, a participación en actividades de Nadal e un longo etcétera., un grupo de rapazas de 4º da ESO do IES de Melide, atoparon un pouco de tempo para , coa axuda da profe bibliotecaria, escoller libros (de ficción, ensaio, cómics…) películas e discos para levarlles aos seus pais, nais, irmáns, abós, e até madriñas , nunha mochila de "ida e volta". Esta actividade hai pouco que se fai no instituto, e soe espertar bastantes reticencias: "os meus pais non teñen tempo para ler, non sei ben os seus gustos, a miña irmá está na típica idade insoportable, non sei que lle levar….” Pero entre todas (si, todas "féminas", ¿por qué será?) puxémonos as pilas e nun tempo récord fomos quen de acadar o noso obxectivo: facer un pequeno “agasallo” ás familias dos alumnos e tentar, tamén, inculcar a idea de que os regalos de Nadal ou Reis poden ser algo mais que roupa, complementos, xogos de ordenador etc. Non esquezades os libros. Un bo libro é un regalo que nunca se esquece. Un libro é a mellor viaxe.
Este foi o lema que puxemos dentro das mochilas xunto con este outro:“AFAITE A REGALAR LIBROS POLO NADAL “

14/12/08

UN PASEO POLA IDADE MEDIA

Este ano na biblioteca do IES decidimos tratar a animación lectora con temas que se van miodificando cada certo tempo. Así, decidimos comezar co MUNDO MEDIEVAL: toda a biblioteca se converte nunha fortaleza.

A mesa do banquete está preparada co necesario: xarras e copas para beber e libros para comer (ou, mellor dito, para devorar).

Pero non falta o preso na terrible mazmorra, o recuncho do frade copista, as imaxes de arte e películas proxectadas na pantalla, os murais sobre diferentes aspectos medievais, e moitas máis cousas.


Animádevos todos a entrar no pasado, e botádelle un ollo aos fabulosos libros que temos na mesa dos PAPALIBROS: son para mirar, para tocar, e para levar a casa e ler.
Dende a biblioteca queremos dar as grazas a todos os que fixestes posible que a ambientación se levase a cabo: a alumnos (que tanto traballastes nelo), e a profesores de moitos departamentos (a vós, que fixestes cancelas, almeas e escudos; aos que trouxestes manequíes; aos que montastes Powerpoints para proxectar; aos que elaborastes murais cos rapaces; e un longo etcétera).
Á volta de Nadal seguiremos un pouco con este tema, e en breve cambiaremos. Iso si: aceptamos suxestións!!

12/12/08

OUTRA CARA DOS DEREITOS HUMANOS

Na D.U.D.H., a Violencia de Xénero ocupa, ou debería ocupar, un lugar prioritario. Ese artigo que fala da non discriminación por razóns de sexo, semella papel mollado ante a crúa realidade. Esta lacra existe en todos os rincóns do planeta, mesmo no considerado “mundo desenvolvido” : as mortes de mulleres a mans das súas parellas , acadan cifras arrepiantes que van en aumento, a máis das mutilacións xenitais, a prostitución feminina (incluida a infantil), as vexacións e a explotación laboral , que son prácticas globalmente extendidas. É preciso recoñecer que moitas veces oímos falar destes temas nos medios de comunicación cunha indeferencia certamente culpable.
Os alumnos do IES de Melide traballaron sobre este terrible problema dende distintos puntos de vista.
Co gallo do 25 de novembro, o alumnado de 4º da ESO cubriu toda unha parede do instituto con esquelas funerarias duns 30 casos de crimes cometidos contra mulleres : as fontes da información foron os xornais e as revistas da biblioteca .
Rapaces de 1º de BAC, recorrendo ás mesmas fontes xornalísticas (prensa escrita e dixital), elaboraron un mural con textos de noticias e imaxes ilustrativas, algunhas moi elocuentes, do drama que non cesa.
Finalmente alumnos de 2º de BAC elaboraron unha información (recollida en soporte mural e exposta a carón da Biblioteca) sobre a consideración da muller nas distintas relixións: cristianismo, islam, hinduísmo, budismo, mitoloxía grega...
E despois de todo este traballo, qué podemos facer fronte a estas situacións?. Cando nos falan de sucesos ocorridos en lonxanos países, pensamos que iso “non vai con nós”, que realmente pouco podemos facer. Isto é relativo:existen O.N.G.s que se adican a loitar pola dignidade da muller
nos cinco continentes e, especialmente no 3º mundo. Podemos colaborar con elas, cada un, dentro das súas posibilidades. Podemos non mercar productos que sabemos que están feitos gracias á explotación laboral, especialmente a feminina. Pero por enriba de todo, hai un elemento fundamental: a EDUCACIÓN nos valores do respecto á vida, á dignidade e á igualdade entre sexos dende a infancia, educación, que, no noso país, é aínda tan deficiente. Non perdamos a esperanza. E lembremos que “nada do humano énos alleo”. Aínda que sexa doutro sexo.

10/12/08

60º ANIVERSARIO DE LA D.U.D.H. POLA O.N.U.

Tal día coma hoxe en 1948, a Asemblea Xeral da ONU aprobou a Declaración Universal de Dereitos Humanos. Os antecedentes mais próximos no tempo, foron a Carta Magna da Inglaterra medieval, a Declaración de Independencia Norteamericana, e a Declaración de Dereitos do Home en 1789 durante a Revolución Francesa, texto que ilustra este comentario.
Na historia da humanidade, sempre se loitou polo establececemento escrito das leis,que regulaban as relacións entre os poderosos e o pobo chan, e entre os cidadáns mesmos, cando se tivo conciencia disto. A realidade, coma sempre, é túzara , e o nivel de cumprimento de ditos dereitos é calamitoso en moitísimas partes do planeta. Informes de organizacións como Amnistía Internacional dannos a alerta sobre situacións arrepiantes de xenocidios, prostitución infantil, terrorismo, explotación laboral e un longo etcétera. Tamén no chamado primeiro mundo abondan casos desta índole. Tócalles aos gobernantes, aos poderes públicos, evidentemente , arranxar este cumio de inxustizas, pero todos, no noso traballo, no noso posto, podemos facer mais do que en principio podemos pensar. Non esquezamos aquelas palabras que Hemingway

utilizou na introdución dunha das súas mais coñecidas novelas: non somos illas, somos continentes....por iso...non preguntes por quen dobran as campás: dobran por tí.
Que o saibamos entender a tempo.

14/11/08

LECTURAS DAMATIZADAS EN 4º DA ESO

Hai unhas semanas tivemos o pracer de recibir a visita da actriz Fusa Guillén quen axudou a 7 rapaces de 4º da ESO a poñer en escena a peza teatral "O Mexillón", baseada na obra do autor estadounidense John Steinbeck. Nela abórdase a historia do descubremento dunha perla que axudaría a mellorar as condicións de pobreza nas que vive unha familia de pescadores. Pero o agasallo" resulta ser unha fonte de desgrazas, unha tras outra, até que deciden desfacerse dela.A adaptación libre da novela transcorre nun campamento de rapaces que descubren unha "perla" dentro dun mexillón. Esta descuberta sementa a discordia entre os compañeiros e fai que xurda o peor deles: cada un quere apropiarse do "tesouro", e ,tras unha serie de incidentes, a suposta" perla" desfaise e todos aprenden a lección: é moitísimo mais prezada a súa amizade que ningún tesouro. Ao monitor, Serafín, aínda lle quedará por aprender o que os seus "titorandos" xa saben.Sete alumnos de 4º da ESO, dirixidos previamente polo seu profesor de galego, fixeron ensaios das lecturas na clase e un derradeiro con Fusa. O resultado foi satisfactorio: os 4 actores e 3 actrices foron: Iria, Diego, Bruno (de nome artístico "Ramón"), Alejandro, Diego, Yolanda e Ana. Non é doado subir ao "estrado" e superar a posible vergonza, nervios e o famoso "medo escénico" que padecen case todos os actores, sobre todo os noveis.Por iso mesmo dámoslles as gracias por facernos pasar un rato agradable e divertido. Noraboa e que non sexa a última vez!!!

09/11/08

24 DE OUTUBRO, DIA DA BIBLIOTECA






O 24 de outubro celébrase o Día Mundial da Biblioteca. En España vense conmemorando dende 1997.
As bibliotecas son, na súa acepción tradicional, espazos onde se atopan libros. En todas as épocas históricas houbo importantes e magníficas bibliotecas, dende a Antigüidade (Alexandría, Pérgamo) pasando pola Idade Media, o Renacemento, Barroco....até chegar a nós.
Para celebrar a data, este curso fixemos unha exposición cunha serie de bibliotecas de distintas épocas e estilos, dende a da Universidade de Santiago de Compostela (hoxe en día na Facultade de Xeografía e Historia) até algunhas de E.E.U.U. ben curiosas, por certo, cos libros facendo de muros exteriores.
E sempre sen esquecer a frase de J.L.Borges que encabeza a exposición: “sólo entendería el Paraíso como un lugar donde hubiese libros” Ogallá que todos saibamos aproveitar os recursos que temos ao noso dispor, no noso centro e noutras entidades para non deixar de abrir e descobrir ese tesouro agochado que está esperando a que o atopemos..........nun libro.

07/11/08

As nosas primeiras visitas á biblioteca

O grupo de 1º de ESO D realizaron hoxe unha visita guiada pola biblioteca do noso centro. Nela aprendimos, como se cataloga un libro, as diferentes seccións da sala, as normas de uso, e sobre todo que a biblioteca non é só un espazo físico, senón máis ben un lugar de encontro entre distintas materias, entre diferentes experiencias. E descubrimos que este ano imos "disfrazar" a nosa biblioteca de diferentes temas. Imaxinádela convertida nunha fortaleza medieval? Ou nun barco pirata? Ou nun espazo de terror e misterio? Para iso imos precisar a axuda de todos, especialmente dos alumnos (que son os máis ocorrentes).

10/10/08

Un instituto multicultural

Este ano temos a sorte de que alumnos e alumnas doutros países se matricularon no noso IES: Brasil, Marrocos, República Dominicana. Queremos dende o BIBLOMELIDE darlles unha cálida benvida, e compartir con todos este poema de Rafael Amor, titulado "No me llames extranjero".

No me llames extranjero, por que haya nacido lejos,
O por que tenga otro nombre la tierra de donde vengo
No me llames extranjero, por que fue distinto el seno
O por que acunó mi infancia otro idioma de los cuentos,
No me llames extranjero si en el amor de una madre,
Tuvimos la misma luz en el canto y en el beso,
Con que nos sueñan iguales las madres contra su pecho.

No me llames extranjero, ni pienses de donde vengo,
Mejor saber donde vamos, adonde nos lleva el tiempo,
No me llames extranjero, por que tu pan y tu fuego,
Calman mi hambre y frío, y me cobije tu techo,
No me llames extranjero tu trigo es como mi trigo
Tu mano como la mía, tu fuego como mi fuego,
Y el hambre no avisa nunca, vive cambiando de dueño.
Y me llamas extranjero por que me trajo un camino,
Por que nací en otro pueblo, por que conozco otros mares,
Y zarpé un día de otro puerto, si siempre quedan iguales en el
Adiós los pañuelos, y las pupilas borrosas de los que dejamos
Lejos, los amigos que nos nombran y son iguales los besos
Y el amor de la que sueña con el día del regreso.
No me llames extranjero, traemos el mismo grito,
El mismo cansancio viejo que viene arrastrando el hombre
Desde el fondo de los tiempos, cuando no existían fronteras,
Antes que vinieran ellos, los que dividen y matan,
Los que roban los que mienten los que venden nuestros sueños,
Los que inventaron un día, esta palabra, extranjero.

No me llames extranjero que es una palabra triste,
Que es una palabra helada huele a olvido y a destierro,
No me llames extranjero mira tu niño y el mío
Como corren de la mano hasta el final del sendero,
No me llames extranjero ellos no saben de idiomas
De límites ni banderas, míralos se van al cielo
Por una risa paloma que los reúne en el vuelo.

No me llames extranjero piensa en tu hermano y el mío
El cuerpo lleno de balas besando de muerte el suelo,
Ellos no eran extranjeros se conocían de siempre
Por la libertad eterna e igual de libres murieron
No me llames extranjero, mírame bien a los ojos,
Mucho más allá del odio, del egoísmo y el miedo,
Y verás que soy un hombre, no puedo ser extranjero.


RAFAEL AMOR
Se queres escoitar a canción, fai click aquí.

03/10/08

CONTACONTOS - MARIO TOMÁS






A través da nosa biblioteca chegou ao centro o contacontos MARIO TOMÁS. Cunha marcada expresividade dos xestos, e unha modulación da voz que, en máis dunha ocasión, fixo saltar da cadeira aos asistentes, encandilounoscun repertorio de contos do mundo, doutros lugares, doutras épocas,... Fabuloso. A xente de 1º de ESO involucrouse de cheo no espectáculo (bueno, na "contada"), e chegaron a meterse tanto nas historias, que más dun acabou rebuznando!!

26/09/08

BENVIDOS - BIENVENIDOS - WELCOME - ترحيب - BOA VINDA - BENVINGUTS - WILLKOMEN - BIENVENUE - BENVENUTTI


Comezamos o curso e o BIBLOMELIDE sae do cascarón. Veremos que sorpresas nos trae este curso, que novas aventuras nos agardan por ler, e canto poderemos viaxar coa mente e coa imaxinación. Desexámosvos unha calurosa benvida ao noso centro, á nosa biblioteca, e ao noso BLOG. VAMOS ALÓ!!

08/06/08

Un blog sobre BANDA DESEÑADA

Está moi ben que a prensa aposte pola historieta (ou cómic, ou banda deseñada, ou...). La Voz de Galicia ten un blog, que dirixe o xornalista Rubén Santamarta, que fala desa arte, e nel podemos ver novidades, autores galegos, críticas, etc. Realmente paga a pena visitalo. Se vos apetece botarlle un ollos, facede click nesta ligazón: http://blogs.lavozdegalicia.es/comic/

09/05/08

Relecturas musicadas: Celso Emilio Ferreiro na longa noite de pedra

Deitado frente ao mar

Lingoa proletaria do meu pobo,
eu fáloa porque sí, porque me gosta,
porque me peta e quero e dame a gaña;
porque me sai de dentro,
alá do fondo
dunha tristura aceda que me abrangue
ao ver tantos patufos desleigados,p
equenos mequetrefes sin raíces
que ao pór a garabata xa nan sabe
nafirmarse no amor dos devanceiros,
falar a fala nai,
a fala dos abós que temos mortos,
e ser, co rostro erguido,
mariñeiros, labregos do lingoaxe,
remo i arado, proa e rella sempre.
Eu fáloa porque sí, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra lingoa.
Non falo pra os soberbios,
non falo pra os ruis e poderosos,
non falo pra os finchados,
non falo pra os valeiros,
non falo pra os estúpidos,
que falo pra os que agoantan rexamente
mentiras e inxusticias de cotío;
pra os que súan e choran
un pranto cotidián de volvoretas,
de lume e vento sobre os ollos núos.
Eu non podo arredar as miñas verbas
de tódolos que sofren neste mundo.
E ti vives no mundo, terra miña,
berce da miña estirpe,
Galicia, dóce mágoa das Españas,
deitada rente ao mar, ise camiño...

08/05/08

Crepúsculo



Este é un dos títulos que últimamente está arrasando no noso club de lectura, Os Papalibros.
Crepúsculo é unha triloxía na que a autora, Stephnie Meyer, cóntanos a complicada relación entre Bella e Edward... e tan complida xa que Edward é un vampiro. Iso si, guapo e noviño.
Na primeira parte, Un amor peligroso, cóntanos como se coñece a parella.
No segundo libro, Luna nueva, Bella darase conta de que namorarse dun vampiro pode ser moito máis perigoso do que imaxinaba. Edward sálvaa dun diabólico vampiro, pero tal vez os seus problemas non fixeron máis que empezar.
En Eclipse, a terceira parte, Bella atópase unha vez máis en perigo, pero ademais terá que elixir, entre o seu amor por Edward e a súa amistade con Jacob... sabendo que a súa decisión pode desencadear a loita intemporal entre vampiros e homes-lobo.
Veña, non apalanques os libros, que hai cola agardando.
Escribe o teu comentario, a ver se alguén se anima con esta historia romántica con toques de terror.

06/05/08

FAHRENHEIT 451


E se non tivésemos dereito a ler?” Esta frase que aparece na promoción do filme, introdúcenos nesta película dirixida por François Truffaut e baseada nunha novela do estadounidense Ray Bradbury: é unha fábula de ciencia-ficción que nos amosa o futuro dunha sociedade sen acceso á lectura, onde unha especie de “policía política-corpo de bombeiros” se encarga de queimar todos os libros que atopan. A 451 º da escala Fahrenheit (equivalente a 233ºC.), prende o papel: todos os libros, sen excepción, son queimados, os lectores, detidos e os cidadáns, alentados a delatar aos presuntos culpables.
Os rasgos dos individuos non lectores son patolóxicos.
Esta obra de R. Bradbury, escrita durante o macartismo de E.E.U.U., non é, por desgraza, pura invención: todos os reximes totalitarios de calquera signo político fixeron e fan as súas “listas negras” para evitar que os cidadáns lean cousas “non convenientes”. Quizais, a razón hai que buscala nese pensamento de Ricardo Corazón de León: “os libros ensináronme a pensar e o pensamento fíxome libre”.
Ficha técnica
Dirección: François Truffaut
Producción: Lewis M. Allen
Guión: François TruffautJean-Louis Richard
Música: Bernard Herrmann
Fotografía: Nicolas Roeg
Reparto:
Oskar WernerJulie ChristieCyril CusackAnton Diffring, Jeremy Spenser, Bee Duffell, Alex Scott, Michael Balfour.
País: Reino Unido
Año: 1967
Género: Ciencia ficción

01/05/08

DÍA DEL LIBRO - MIGUEL DE CERVANTES

Ésta es una buena ocasión para acercamos un poco a la figura de Cervantes. No se sabe con certeza cuando nace pero, sí que se bautiza el 9 de octubre de 1547. Como sabéis, Miguel de Cervantes Saavedra es el autor del Quijote, la joya por excelencia de la literatura castellana, que ha sabido conquistar al mundo entero, y es una de las obras que se ha traducido a más idiomas, pasando a ser sus personajes verdaderos arquetipos de categoría universal.
Esta obra magnánima es el producto de un escritor ya en decadencia; Cervantes tiene 58 años cuando, en los últimos días de diciembre de 1604 , sale la 1ª parte del Quijote y 68 cuando se publica la 2ª parte. Con todos estos datos, ¿ diríais que Cervantes disfrutó de la gloria y del reconocimiento social?: pues todo lo contrario. Nunca a lo largo de su vida conoció la popularidad y el reconocimiento como escritor. Su existencia, al contrario de lo que pueda parecer, fue una ininterrumpida serie de fracasos, cautiverio, injusta cárcel, penurias económicas que llegaron casi hasta el final de sus días. Por eso, cuando sale la 1ª parte del Quijote, se dice:

“Si necesidad le ha de obligar a escribir,
plaga a Dios que nunca tenga abundancia,
para que con sus obras, siendo él pobre,
haga rico a todo el mundo.”

Sólo al final conoció cierta tranquilidad pero, siempre agobiado por las deudas. Al revés que su personaje ( D. Quijote), él no pudo escapar de su destino de hidalgo, soldado y pobre. El 19 de abril recibe la extremaución y escribe: “Ayer me dieron ésta, el tiempo es breve, las ansias crecen, las esperanzas menguan y, con todo, llevo la vida sobre el deseo que tengo de vivir.”
Entre el 22 y 23 de abril de 1616 , muere. Pero Cervantes no sólo escribe el Quijote, también:
Novela: Los trabajos de Persiles y Segismunda, La Galatea, Novelas Ejemplares Teatro: La Numancia Ocho comedias y ocho entremeses .El trato de Argel

¡Y poesía! Cervantes era poeta y más original y valioso de lo que se cree. Ahí va una pequeña muestra de su poesía ; leamos los versos sin el velo en los ojos y observemos no sólo la capacidad técnica , sino también lírica de este gran escritor de la literatura universal:

Cuando Preciosa el panderete toca
Y hiere el dulce son los aires vanos,
Perlas son que derrama con las manos;
Flores son que despide de la boca.
Suspensa el alma, y la cordura loca,
Queda a los dulces actos sobrehumanos,
Que, de limpios, de honestos y de sanos,
Su fama al cielo levantando toca.
Colgadas del menor de sus cabellos mil almas lleva,
y a sus plantas tiene Amor rendidas una y otra flecha.
Ciega y alumbra con sus soles bellos,
Su imperio Amor por ellos le mantiene,
Y aún más grandezas de su ser sospecha.

Pero en la memoria siempre, quedará el Caballero de la Triste Figura, que con su cuerda locura, le dice a su fiel escudero:

“La libertad, Sancho, es uno de los más preciosos dones que a los hombres dieron los cielos; con ella no pueden igualarse los tesoros que encierra la tierra ni el mar encubre: por la libertad, así como por la honra, se puede y debe aventurar la vida ; y, por el contrario, el cautiverio es el mayor mal que puede venir a los hombres”.

22/04/08


SEMANA DOS LIBROS (21 AO 23 DE ABRIL)
OS LIBROS AO LONGO DA HISTORIA

Os soportes da escritura foron moi variados ao longo da historia: os babilonios e asirios utilizaban táboas de arxila . Os exipcios usaron o papiro , unha especie de papel feito co talo dunha pranta que se cortaba a tiras, estas secábanse e prensábanse até convertirse en follas que logo se enrolaban.

No século II a. C. comezou a utilizarse até a Idade Media o pergamino (debe o seu nome á cidade de Pérgamo en Asia Menor) feito con peles de animais tratadas dun xeito especial: xuntábanse en pregas, cosíanse polos bordes e poñíanselles tapas formando os códices .

Cara o século XII, en Occidente adoptouse unha materia nova: o papel, unha invención dos chinos que xa o usaran moitos séculos antes.

No século XV xurde a imprenta, invento atribuido ao alemán J.Gutenberg.
Aos libros impresos antes do ano 1500 chámaselles incunables.
O primeiro incunable galego é o Misal Auriense, saído dun prelo do castelo de Monterrei no ano 1494. O libro está editado a dúas columnas con letra gótica e inclúe a tipografía musical co pentagrama en tinta vermella.
A imprenta revolucionou o mundo do libro, e contribuiu á democratización do saber.
No século XIX apareceron prensas mecánicas que permitiron , por exemplo, imprimir grandes tiradas de xornais en pouco tempo.
Durante o século XX continuou o desenvolvemento deste invento.

Hoxe en día, o soporte dos libros xa non é , somente o papel, senon toda a gama de medios audiovisuais.
Na nosa biblioteca temos mais de 12700 libros rexistrados e , nos ordenadores que alí se atopan, pódese entrar en ligazóns de “audiolibros”, títulos famosos da literatura universal para escoitar.
Como vedes, non sempre foi tan fácil como hoxe ter acceso a un libro. Porque os libros e a lectura son mais importantes na nosa vida do que quizais nós pensamos.

Misal Auriense



17/04/08

MÁIS LIBROS FEITOS POR E SOBRE MULLERES

Las mujeres que leen son peligrosas




De la mano del autor Stefan Bollmann recorremos las vivencias de las mujeres vinculadas a las lecturas. Relegadas a un papel secundario, e incluso pasivo en la sociedad, las mujeres encontraron en la lectura un modo de romper las barreras de su mundo cotidiano. A través de un viaje por las numerosas obras de arte en las que aparece plasmada la estrecha relación entre el género femenino y los libros, el autor rinde tributo a la mujer y confirma el excepcional poder que confiere la lectura. El cuadro que aparece en la portada se titula, “Soñadora”; sin embargo, la postura de la dueña, parece expresar más bien una actitud de desafío y determinación. La explicación, en el libro. Las mujeres que leen son peligrosasAutor: Stefan BollmannEditorial: Maeva, 2006


Las mujeres que escriben también son peligrosas






También Stefan Bollmann, nos acerca al mundo de las mujeres escritoras que, ya desde la Antigüedad, lucharon por encontrar un espacio en la literatura, campo tradicionalmente reservado a los hombres. Muchas de ellas, ya en el siglo XIX y XX, tuvieron que adoptar seudónimos masculinos para poder publicar sus obras.En este libro, lleno de ilustraciones y fotografías, se hace un repaso por la trayectoria de escritoras como las hermanas Brönte, Jane Austen, George Sand o Virginia Woolf. Las mujeres que escriben también son peligrosasAutor: Stefan BollmannEditorial:Maeva, 2007



DICIONARIO DE MULLERES GALEGAS



Abrangue desde as orixes, dende os datos mais antigos que se coñecen sobre mulleres galegas, até 1975. Obra feita cunha intención globalizadora : recolle 1800 voces ás que hai que engadir 12 apéndices. A autora, Aurora Marco, manifesta o seu desexo de desvelar o legado das galegas, rescatar a herdanza cultural que foron quen de crear nos pasados séculos, co obxectivo de reivindicar o seu peso histórico. No prólogo da obra aparece una cita de Xohana Torres, que ben pode resumir o espírito da obra: “as mulleres sostemos a metade do ceo” Diccionario de mulleres galegasAutora: Aurora MarcoEditorial: A Nosa Terra, 2007


MULLERES

Oito mulleres, con Galicia sempre como paisaxe permanente. Ursula Heinze publicou este libro arredor de tres escritoras, unha pintora, unha deseñadora de moda, unha, cantante e dúas actrices de teatro: falan de si e de todos nós, do presente, do futuro…Na crónica persoal de cada unha delas está tamén a crónica do noso tempo. MulleresAutora: Úrsula HeinzeEditorial: Xerais 1985


POLIFONÍAS. VOCES POÉTICAS CONTRA A VIOLENCIA DE XÉNERO


Desta vez, amosámovos un libro de poesía: unha poesía feita por mulleres arredor dunha arrepiante e crúa realidade : a violencia de xénero. Aínda que ninguén pode nindebe falar por elas, compría elevar unha voz para facelas visíbeis, para que o gravísimo problema social non fique esquecido ou agochado tras as portas do privado.As autoras consideran unha obriga social saber escoitar a estas mulleres e poñer os medios para que recuperen a súa voz plenamente, os seus pensamentos e a súa vida.E, como non, a necesidade sempre pendente dunha educación que, dende a nenez, inculque o valor esencial da dignidade irrenunciabel de toda persoa, independentemente do seu sexo, raza, lingua ou crenza. PolifoníasAutoras: V.V.A.A.Editorial: Espiral Maior. Xunta de Galicia Todos estes libros poderás atopalos no armario expositor ou na biblioteca !!

10/04/08

CARROS DE FUEGO

Esta película refleja como pocas el mundo del deporte de élite y, en concreto, el mundo del atletismo. Basada en hechos reales (la preparación de unos deportistas británicos para los J.J.O.O. de París de 1924) aborda las distintas y complejas motivaciones de los distintos atletas: un acomodado gentleman de clase alta, un escocés de firmes convicciones y un inglés de origen judío que lucha por demostrar al mundo ( y a sí mismo) todo lo que puede dar.
La imagen inicial y final de la película, con los atletas corriendo en una playa y la música de Vangelis de fondo, constituye todo un símbolo del esfuerzo del competidor .

FICHA ARTÍSTICA
Título original: Chariots of fire (1981)
Director: Hugh Hudson
Nacionalidad: británica
Intérpretes: Ben Cross, Ian Charleson, Cheryl Campbell, Sir John Gielgud
Música: Vangelis

08/04/08

Entrevista a XOSÉ DÍAZ DÍAZ

Rescatamos do INTRES unha entrevista realizada por dúas alumnas ao escritor e profesor de matemáticas XOSÉ DÍAZ DÍAZ. Temos a honra de contar no noso centro con xente do seu talento e creatividade, que escribiu libros coma O dómite indómito ou A morriña das balas. Fixádevos o que di desta última obra unha páxina especializada en cultura e literatura: "Escrita nunha prosa coidadísima e con grande alento de estilo, respecta as convencións deste xénero de literatura popular, descubríndonos a un narrador de indubidable talento". Aí tedes a entrevista:


Andrea e Sylvia :Ola, bos días ! queriamos saber se podiamos facerlle unha entrevista para o Intres sobre a súa faceta de escritor.
Xosé Díaz: Si, por suposto.
Andrea e Sylvia : Sabemos que recibiu algúns premios, como se sentiu cando os recibiu?
Xosé Díaz : A verdade é que te sentes ben, por exemplo, no caso deste libro (A morriña das balas) cando mirei que era finalista e souben que entre os tres últimos que podían gañar encontrábase o meu… Acórdome perfectamente, estaba no ordenador, vin iso e deume así unha alegría, que me tiven que conter, claro, porque había máis xente arredor, pero é algo co que non contas, é lotería, entón cando pasa unha cousa así, que en principio non está para ti, pero é para ti, dende logo motívate moitísimo, sénteste ben, moi alegre, moi contento.
Andrea e Sylvia : Nós lemos A morriña das balas, baseouse en algo para escribilo?
Xosé Díaz : Usei, dende logo, a influencia das películas dos vaqueiros, claro, porque era o referente que tiña de ver na tele, e despois a información que busquei de como era a historia realmente, o que pasara alí, foron así as cousas que máis me influíron, non lera antes un libro de vaqueiros, por exemplo.
Andrea e Sylvia : Cre que aos seus alumnos lles gustou esta obra?
Xosé Díaz : Ben, non o sei, eles non me din que non lles guste nin tampouco me din que lles guste, entón estou así a medio camiño, iso terían que dicilo eles,claro.
Andrea e Sylvia : E por que escolleu que a súa obra fose de vaqueiros e non doutro tema?
Xosé Díaz : Ben, porque igual era un pouco paveiro falar de vaqueiros en galego, máis que nada por iso, é un tema así tipicamente inglés ou norteamericano, entón pois que se poñan a falar en galego e tal igual é algo simpático.
Andrea e Sylvia : Vostede escribe os seus libros en galego, pensa que iso pode fomentar a quen os lea a falalo?
Xosé Díaz : Este dende logo, oxalá, non? Ese ten que ser o propósito, escribes en galego para que se lea en galego e se aprendan cousas e despois se utilicen, claro, se non é un idioma a perder.
Andrea e Sylvia : Saíndo do ámbito da literatura, sabemos que tamén fai trucos de maxia, poderíanos dicir onde os aprendeu?
Xosé Díaz : Aprendina por libre, a verdade; como as matemáticas e a maxia teñen moito que ver, pois tamén por matar o tempo comprei algún libro deses de maxia e tal, vía algún programa na televisión, e aí vas aprendendo, pero fago moi poucos trucos.
Andrea e Sylvia : Que lle gusta máis, a literatura ou as matemáticas?
Xosé Díaz : Home, gústame máis poñerme a escribir, iso está claro, sen dúbida.
Andrea e Sylvia : Pois isto foi todo, moitas grazas pola súa atención e esperamos que escriba moitos libros máis.


Silvia García, Andrea Vázquez, S3B

06/04/08

ABRIL, o mes de Shakespeare

Seica non te enteiraches de que o gran William Shakespeare naceu e morreu en abril? Pois si, en 1564 e 1616, respectivamente. Por iso abril é o mes de Shakespeare.

E aínda que sabrás que foi un gran dramaturgo, famoso polas súas 40 obras de teatro (entre traxedias e comedias), non todo o mundo coñece unha xoia que saiu da súa pluma: os seus sonetos de amor. Estaredes pensando: "Bah, poesía amorosa cursi e con pouca chispa". Pois estades equivocados. Consistían en poemas que precisamente facían mofa das tradicións poéticas da época, ríndose das mulleres perfectas que outros poetas retrataban. Falaban de damas sen dentes, que se cheiraban dende a distancia, e que se escoitaban vir porque pisaban coma bestas. Ademais, foi moi rompedor coas convencións sociais, porque nos sonetos máis intensos e fermosos trata o amor homosexual.

Neste vídeo que tedes a continuación podedes escoitar un deles, interpretado por Rufus Wainwright, como parte da banda sonora da película Orgullo y Prejuicio (se queredes ver un tráiler da película, face click aquí).


E se queredes seguir a letra, aquí a tedes:

Sonnet 29 "When in disgrace with fortune and men's eyes"

When in disgrace with fortune and men's eyes,
I all alone beweep my outcast state,
And trouble deaf Heaven with my bootless cries,
And look upon myself, and curse my fate,
Wishing me like to one more rich in hope,
Featur'd like him, like him with friends possess'd,
Desiring this man's art, and that man's scope,
With what I most enjoy contented least:
Yet in these thoughts myself almost despising,
Haply I think on thee,--and then my state
(Like to the lark at break of day arising
From sullen earth) sings hymns at heaven's gate;
For thy sweet love remember'd such wealth brings
That then I scorn to change my state with kings'.

William Shakespeare

RECOMENDAMOS: "Anxos en tempos de chuvia"

Convídámosvos a achegarvos a unha desas novelas coas que vos sentiredes identificados. Nela abórdanse problemas da mocidade, moitas veces herdanza do sistema de vida dos adultos: a SIDA, o alcohol, a descuberta da sexualidade, o compromiso cun xeito de pensar ou esas presas por vivir que por veces rematan esmagadas no asfalto.

O autor, Miguel Vázquez Freire, é profesor de secundaria en Compostela e como bo coñecedor do mundo dos mozos e das mozas atreveuse con esta historia a rachar moitos convencionalismos. Vós, famentos lectores e lectoras, atoparedes un bo exemplo da novela de misterio, relacionada coa vida real e cunha posta en escena case que cinematográfica.A historia comeza dun xeito tráxico. A morte irrompe na vida de Xurxo, Nando, Dani e Anxos, que teñen un terrible accidente na estrada de Baiona a Vigo logo de que o seu coche bata contra unha árbore. Aínda que os motivos non están moi claros, todo apunta ao exceso de velocidade e ao esvaradío da estrada. Son xa moitas as voces que xulgan os rapaces, achacando o accidente ao típico cóctel explosivo das fins de semana: drogas e alcohol.

Todo discorrerá ante os vosos ollos como se dun filme se tratase. A descuberta do sexo, o primeiro amor, as dúbidas e medos que rodean todo o relacionado coas primeiras experiencias, as frecuentes referencias aos gustos e afeccións dos mozos e das mozas -música, cine, política, relixión, inconformismo-, enchen, con moi boa man, esta novela.

Seguro que cando a leades pasará a ocupar un lugar especial na vosa biblioteca, ese oco que teredes reservado para os libros que máis vos gustan.

04/04/08

Frases sobre lectura

Neste blog da biblioteca de Melide, que imos enchendo pouco a pouco, imos facer unha recompilación de frases en distintos idiomas que falen da lectura, dos libros, do pracer de ler. No IES constituise hai pouco un Clube de lectura: de seguro que os alumnos participantes terán moitas ideas sobre a mesma.

Xa sabedes que este é o Ano Internacional das Linguas, e en concreto, no noso centro impártense clases de oito idiomas: galego, portugués, castelán, grego,latín, francés, inglés... e mesmo lituano! (gracias á nosa profesora lectora de inglés, que é desta república báltica).
As citas recollidas, non son necesariamente de autores coñecidos, algunhas son inventadas. Dende este espazo desexamos que participedes tod@s engadindo frases sobre o tema.
Aí van unhas cantas, cunha mención especial ás 5 primeiras, recompiladas polos alumnos de P.D.C 3º Jennifer, María e Iván. Tamén tivemos colaboracións de alumnos doutros grupos, como os alumnos de Francés.

1) “El recuerdo que deja un libro es más importante que el libro mismo” (G.A.Bécquer)
2) “Se tes unha biblioteca con xardín, telo todo” (M.T. Cicerón)
3) “Quien no lee un buen libro no tiene ventajas sobre el que lo lee”
4) “Lee y conducirás, no leas y serás conducido” (Sta. Teresa de Jesús)
5) “El que lee mucho y anda mucho, ve mucho” (Miguel de Cervantes)
6) “Un libro é a mellor viaxe”
7) “Creo que la televisión es muy educativa: cuando alguien la enciende me voy a leer un libro” (Groucho Marx)
8) “Chaque lecture , une aventure” (cada lectura, unha aventura)
9) “Lire c´est un plaisir” (ler é un pracer)
10) “Lire sans reflechir c´est comme manger sans digérer” (ler sen reflexionar é como comer sen dixerir”)
11) “Los libros me enseñaron a pensar y el pensamiento me hizo libre”
(Ricardo Corazón de León)
12) “Leemos para saber que no estamos solos”
13) “A lectura é á intelixencia, o que o exercicio ao corpo” (Richard Steele)
14) “O home é un animal lector que recoñece o mundo a través das historias que conta” (Alberto Manguel)
15) “Hay cosas peores que quemar libros: una de ellas es no leerlos” (Ray Bradbury)
16) “Libri faciunt labra”(Los libros hacen los labios)
17) “Compre aprender a ler, como compre aprender a ver e a vivir” (Vincent Van Gogh)
18) “Un libro es un amigo que nunca te dará la espalda”
19) “ Unha forma da felicidade é a lectura”. (J.L. Borges)
20) “Reading is living a second life” (ler é vivir unha segunda vida)
21) “ C´est plus doux lire que vivre” (é mais doce ler que vivir)
22) “Qui scribit bis legit” (O que escribe le dúas veces)
23) “Alit lectio ingenium” (A lectura alimenta o espírito; Séneca)
24) “A lectura dun bo libro é un diálogo incesante no que o libro fala e a alma contesta” (André Maurois)
25) La literatura es mi utopía. No hay barrera de sentidos que me pueda quitar ese placer. Los libros me hablan sin impedimentos de ninguna clase (Helen Keller, escritora ciega y sordomuda)
26) "Some books are to be tasted, others to be swallowed, and some few are to be chewed and digested." Francis Bacon (1561-1626)
27) "There are worse crimes than burning books. One of them is not reading them." Joseph Brodsky
28) "To read without reflecting is like eating without digesting." Edmund Burke

02/04/08

Obras mestras en CÓMIC - "Apuntes para unha historia de guerra"

Terceiro álbum en España do italiano GIPI, e terceira sorpresa. Este libro de cómic, que podemos atopar XA na nosa biblioteca do IES Melide, destaca pola solidez narrrativa, o seu estilo gráfico ALUCINANTE e por un guión sobrecolledor. Por que é especial? Porque fala dunha guerra, e de como tres rapaces perden a inocencia por culpa dela. En definitiva, os estragos que os conflitos causan nas persoas. Atoparédelo, claro está, nas estanterías de CÓMIC. Que vos aproveite!!

01/04/08

CINEMA PARADISO

La película muestra la relación entre el operador del cine “Paradiso” de un pueblecito siciliano y un niño, Salvatore,(Totó). Narra la iniciación en el cine desde la infancia, contando las censuras de aquellos años, las primeras experiencias amorosas y el comienzo de las relaciones adultas. En la Italia de la posguerra, el milagro del cine ayuda a las gentes sencillas a sobrevivir. Totó, el niño que fue, nunca dejará de estar vinculado al cine en su edad adulta.

Director: G.Tornatore
Intérpretes: P. Noiret J. Perrin, Antonella Attiu.
Gran Premio Jurado de Cannes.
Óscar a la mejor película de habla no inglesa (1989)

28/03/08

Feira Internacional de Anime - MANGA, MANGA e máis MANGA

Gústache o MANGA? Se es aficionado ao cómic, seguro que si. Para os que non o saiban, é un estilo de debuxo característico do Xapón (por certo, a palabra "manga" en xaponés significa algo así como "debuxo informal"; e o que fai manga é un "mangaka"), e para moitos é incluso unha maneira de ver a arte e a vida.

Pois hoxe abriu as súas portas a Feira Internacional de Anime (que vén significando o mesmo que "manga") en Tokio, con expositores de libros dunhas 300 compaías e ditoriais, e que o ano pasado xuntou a case 11.000 visitantes.


Se queres saber máis da feira, aquí a tes un pouco de información. E se che gusta debuxar ao estilo MANGA, bótalle un ollo a esta páxina (fai click aquí). Non ten desperdicio.

CATALOGANDO LIBROS NA BIBLIO

Nunha biblioteca é moi importante saber catalogar os libros para que outros teñan acceso a eles. Etse labor desempéñano normalmente os profes. Sen embargo, desta vez fixemos unha proba con alumnado de 4º de ESO, e o resultado foi excelente. Os protagonistas foron Carlota, Alba, Mari Carmen e David. Grazas a eles poidemos adiantar o moito traballo que os profes bibliotecarios teñen por diante. Graciñas!!

27/03/08

CLUB DE LECTORES

Non está nada mal! Asociar libros a pastas, galletas, e bo ambiente debería ser algo normal, cotiá. E iso decidimos facer dende o club de lectores: hoxe xoves xuntámonos na cafetería, expuxemos libros e cómic, e a desfrutar. A xente pasaba, comía unha pasta, e ollaba libros, e cando alguén se sentía seducido/a, pois collía o libro. Tan simple como iso. E tan estupendo! Verémonos outra vez dentro doutros quince días, para comentar os libros que levamos desta vez. Para comentar a xogada, coma se dun partido se tratase. Porque ler ten que ser, ante todo, desfrutar. E se o libro non nos gusta, deixámolo por outro, ata atopar o que realmente nos atrapa.

Quedades convidados/as a asistir ao noso club informal de lectores. Se xa vos gusta ler, xenial. Se non, pode ser que aínda non dérades co libro ideal. Pero existir, existe.



26/03/08

As mulleres na arte

Se queres facer un percorrido visual polas mulleres da pintura de todos os tempo, bótalle un ollo a este vídeo. Realmente paga a pena!!

17/03/08

EXISTE UNHA LITERATURA FEMININA?

Existe unha literatura feminina? Hai literatura de muller só cando escribe unha muller? Fan literatura de muller todas as mulleres que escriben? A estas preguntas (e a máis) responde Teresa Moure, unha das escritoras máis prolíficas das nosas letras. Se queres ler unha entrevista a unha das mellores narradoras galegas, visita o portal Prazadasletras, onde ademais poderás enterarte do último en literatura galega. Que o desfrutes!!

14/03/08

A MULLER EN FOTOS

Nun instituto de Narón (perto de Ferrol), no IES As Telleiras, organizaron hai uns anos unha compilación de fotos de mulleres das familias dos estudantes. Todas as imaxes amosaban diferentes profesións desempeñadas por elas: camareras, costureiras, telleiras,... Podedes botarlle un ollo ás fotos, a aos comentarios que fixeron delas os rapaces e rapaces que as aportaron facendo click aquí.

13/03/08

O DÍA DA MULLER

Dentro dos actos que se están a celebrar no noso centro arredor do día da muller, a biblioteca aportou unha escolma de poemas e letras de cancións alusivas a este tema en diferentes linguas. Un deles é unha canción de Tracy Chapman, "She's got her ticket". Aquí tedes a letra, e se queredes escoitala e ver o videoclip ao mesmo tempo, facede click na seguinte imaxe:



She's got her ticket
I think she gonna use it
I think she going to fly away
No one should try and stop her
Persuade her with their power
She says that her mind is made Up
Why not leave why not
Go away
Too much hatred
Corruption and greed
Give your life
And invariably they leave you with Nothing
Young girl ain't got no chances
No roots to keep her strong
She's shed all pretenses
That someday she'll belong
Some folks call her a runaway
A failure in the race
But she knows where her ticket takes her
She will find her place in the sun
Why not leave why not
Go away
Too much hatred
Corruption and greed
Give your life
And invariably they leave you with
Nothing
She's got her ticket
I think she gonna use it
I think she going to fly away
No one should try and stop her
Persuade her with their power
She says that her mind is made Up
And she'll fly, fly, fly...

12/03/08

BLACKSAD


Unha de cómic. Hai na nosa biblioteca un libro fascinante sobre un detective que investiga unha serie de crimes. Chámase BLACKSAD, e polo medio mestúrase o amor, a paixón desenfreada, as persecucións, a mafia, a policía, ... Atractivo, non? O curioso é que o protagonista é un gato. Pero despois de ler dúas páxinas xa nin te enteras de que todos ... TODOS os personaxes son animais. Porque o guión, a novela gráfica, é realmente unha fabulosa historia de novela negra. Anímate a botarlle unha ollada. Está, claro está, na sección de cómic. E tamén nas librerías, para os auténticos fans do medio Ah, e facendo click aquí podedes visitar a web da serie (porque en realidade son tres libros). Que o desfrutedes!

XTomás

Benvidos


Comezamos a nosa andaina este curso 2007-2008 dende este espazo do I.E.S. de Melide, a Biblioteca, co desexo de que sirva de lugar de comunicación en torno aos libros: lugar de debate, relato de experiencias, intercambios, descuberta doutros mundos ...en fin, todo o que nos pode ofrecer o marabilloso mundo da lectura que queremos compartir con todos os que vós acheguedes a estas páxinas.

Ocupará un sitio especial o Club de lectura, creado este curso .

Neste 2º trimestre o I.E.S. de Melide fixo distintas actividades para celebrar o 8 de
Marzo, Día da muller traballadora, entre elas, unha exposición de poemas e letras de cancións dedicadas a calquera perspectiva da vida feminina: maternidade, soidade, vida de parella, maltrato...