21 DE MARZO, DÍA DA POESÍA

                              O día 21 de marzo celebrouse  o Día da Poesía.

 

                  

 

 No expositor da biblio deixáronse algunhas das últimas novidades poéticas  así como o programa de actividades para conmemorar esta data.

                                
                                

O departamento de Lingua Castelá e Literatura organizou o primeiro concurso de videopoemas e foi todo un éxito!!

Outra das actividades realizadas consistiu nunha tarefa interdisciplinar entre os departamentos de Lingua Galega e Literatura, Lingua Castelá e Literatura e Educación Plástica, Visual e Audiovisual. A rapazada converteuse por un día en pintoras e pintores creando un mural de debuxos que representaban cadanseu poema.

        

                                                                                         
                   
  

Ademais confeccionouse un tendal de "poemas para levar" e tod@s marchamos  ás   aulas colgad@s nun verso.

 Tamén se organizou un recital  poético  en diferentes linguas como en francés: 

 

 

 

 ...e en portugués:

Ademais, desde o Departamento de Matemáticas levouse a cabo un pyema: unha oda ó número PI. 

 

Marabilloso escoitar!!!

8M, DÍA DA MULLER

 Esta data fíxose visible desde os corredores do centro  coa exposición de cartaces relativos a mulleres que fixeron camiño.

Ademais, o  Departamento de Música elaborou unha listaxe de mulleres galegas especialistas no oficio: compositoras, músicas de diferentes estilos...

 

O noso equipo de " Tecendo historias" contou para esta data  con dúas avoas tecelás, que nos deixaron abraiados/as coa súa destreza no manexo do  gancho e das agullas. Que grandes mestras!

Por outra banda, este curso, dende a biblioteca, reivindicouse  a figura de Irene a Porteira, a través dunha unidade didáctica  baseada no cómic de Xulia Pisón,  enviada  ao profesorado, para que puidese traballar nas aulas.

                                            

Finalmente e, como non, tamén a biblio foi o lugar de encontro do equipo " Estela lila" que se creou este curso e  arrancou  con brío para dar visibiliade a  todos os colectivos sociais desfavorecidos. Comezouse  coa lectura dun manifesto 

                             

Arriba, no segundo andar da nosa biblio, un grupo de profesoras  fixeron  unha pequena homenaxe a "Las Sinsombrero", mulleres artistas ( escritoras, pintoras, actrices...) correspondentes á Xeración do 27, que mostraron a súa rebeldía ao prescindir do sombreiro, atavío feminino normativo  na sociedade da época. Mulleres para quitar o sombreiro.

      

 

 

 

 

                        

E á  beira da porta da biblio   instalouse un mercado solidario de   mulleres wanawake, de África subsahariana, que loitan entre outros dereitos pola abolición da mutilación xenital feminina.

 

 

 

                                    

DÍA DE ROSALÍA

    "Para dicirche de onde veño, téñoche que sacar a lingua"

                   ( YOLANDA CASTAÑO)

Así comezou o alumnado de 4º de PDC  a identificarse porque na mesma data celebramos na biblio a lingua e a obra rosaliá. E as dúas se foron nobelando a un tempo.

No Día de Rosalía a tarima da nosa biblio teceu os seus poemas  a toda cor, .oi sen dúbida un día florido.

"Castellanos de Castilla", "A xustiza pola man" e "Unha vez tiven un cravo" foron recitados polos nosos e nosas Penélopes que tamén celebraron  o Día da Lingua Materna con calas, lirios, camelias e colchas de la para abrigar poemas.

 

VISITA DE ANTÍA YÁÑEZ

Onte veunos visitar ao Club de Lectura a escritora Antía Yáñez, para falarnos da súa novela "Non penses nun elefante rosa

Antía contounos que un tema tan serio como o da saúde mental pode abordarse desde o sentido do humor, pois iso é o que nunca perde a protagonista, pese a perder a estabilidade. Díxonos que non hai perfís cando se trata de transtornos da personalidade e que calquera, en calquera momento da vida pode sentir como o elefante sen ningunha razón o elefantiño chama e ...toc, toc xa está  na súa porta. Porque calquera pode ter un TOC. 

                

                         

DÍA DA MULLER E DA NENA NA CIENCIA

 O 11 de febreiro celebramos o Día da Muller e da Nena na Ciencia.

O expositor da entrada da biblio fixo mostra de varios exemplares en col desta efeméridde    

              

Por outra banda o Club de Ciencias  aportou a  visita da científica Socorro Castro García, profesora de Química na Universidade  de A Coruña, cuxo campo de investigación son os materiais. 

O alumnado de 1º e 2º de Bacharelato obtivo resposta a preguntas fundamentais:  Que fai unha científica? Por que hai menos mulleres adicadas a este eido da investigación? 

                                 

DíA DA CANDELORIA

 O IES de Melide é moito de mostrar os afectos por iso  o día 2 de febreiro  deu  comezo  no centro á manifestación do amor co casamento dos paxariños

Coincidindo coa celebración do  entroido, colocouse na entrada do centro un mural deseñado con papiroflexia e un  refrán que dá conta da metade do inverno: 

                                   

 No chan,  dous goxos  recheos de herba seca foron o  niño  perfecto para as aves  multicolor  que,  no canto de ovos, deixaron cartas de amor e amizade  que non tardaron en  ser  enviadas aos seus/ súas  destinatari@s. Porque o amor  é asi, urxente.

DÍA DA PAZ

  REGUEIFANDO 

 

O alumnado  de 2º de ESO amenizou a sesión de recreo cunha regueifa en relación co Día da Paz

 

 

 

 

 

 

Por outra parte, o grupo de 4º D  xogou coa eufonía para escribir a PAZ:

 

Dixeron que a Paz pode ir:

  Con ...

  

 

P

de pel

ou de  polpa de pexego

ou de pedir plural

ou de papoula e pan

ou de pentagrama e poema

Con...

A

de amor

ou de antes menos ca agora

ou de ás veces atoladamente

ou de amenceres de alecrín amarelo

Con...

Z

de zume

ou de zugar na vida

ou de máis zoooooom para a paz

 

 

 

 

 

 

 

 

 

 

 

CÓNTAME UN MITO (2)

 Desta vez  a tarima da biblio serviu de escenario para iniciar unha saga de mitos. Desta vez veuse  representar o mito de Aracne, a cargo do alumnado de 1º de BAC

 Con esta dramatización comprendemos que   a soberbia é sempre mala compañeira. A deusa Atenea tivo compaixón de Aracne e salvoulle a vida, pese á súa rabia e envexa, pero castigouna converténdoa en araña e condenouna a tecer para o resto dos seus días

E velaí como quedou

FIN DE ANO CON MENSAXE POÉTICA

   E marchamos, esvarando na espiral dun verso do  puño e letra  de Yolanda Castaño, Premio Nacional de Poesía 2023, á calor da cheminea  fabricada polo  alumnado do ciclo de Madeira e  exposta  na entrada do centro. 

 Así, nesta tarxeta postal perfumada de lavanda e ideada pola coordinadora do Equipo de Normalización Lingüística, Marga Quintela.

EN NADAL...AGASALLA UN LIBRO

   

   E  antes de nos ir de vacacións, a nosa biblio foi o lugar de entrega e recolla de libros, atendendo ao lema" Agasalla un libro".

 Enriba da mesa envoltas e anoadas cun lazo encarnado, @s mag@s deixaron aquí as nosas lecturas favoritas.