14/12/15

NOVIDADES

Rematamos o 2015 cunha recomendación dalgunha das nosas novidades. Felices lecturas!!!




11/12/15

DÍA INTERNACIONAL DOS DEREITOS HUMANOS



O Día dos Dereitos Humanos celébrase o 10 de decembro para conmemorar a Declaración Universal dos Dereitos Humanos, aprobada en 1948 polas Nacións Unidas.
Nesta ocasión o Día está dedicado ao lanzamento dunha campaña dun ano de duración para celebrar o 50 aniversario dos dous pactos internacionais de dereitos humanos: o Pacto Internacional de Dereitos Económicos, Sociais e Culturais e o Pacto Internacional de Dereitos Civís e Políticos, adoptados pola Asemblea Xeral das Nacións Unidas o 16 de decembro 1966. Estes dous Pactos, xunto coa Declaración Universal dos Dereitos Humanos, constitúen a Carta Internacional de Dereitos Humanos, que establece os dereitos civís, políticos, culturais, económicos e sociais que ten todo ser humano. Baixo o lema «Os nosos Dereitos. As nosas liberdades. Sempre», esta campaña (que xira en torno ao tema dos dereitos e liberdades: a liberdade de expresión, a liberdade de culto, a liberdade a vivir libres da miseria e a liberdade a vivir sen medo) ten como obxectivo promover e dar a coñecer os dous Pactos no seu 50 aniversario.
Para recordar que estes dereitos e liberdades son tan relevantes hoxe como cando se adoptaron os Pactos fai 50 anos, o noso alumnado levantou un “muro da vergonza” no que se denuncian distintas violacións de dereitos no mundo e se pon de manifesto o longo camiño que aínda nos queda por percorrer.



27/11/15

ENTREGA PREMIOS “CERTAME SAMAÍN-15”




Hoxe tivo lugar a entrega dos premios correspondentes ao Certame literario “Relatos Terroríficos”. Tanto o número como a calidade dos traballos presentados resultaron ser moi satisfactorios.  Este foi o dictame do xurado:
Categoría Meigallo (alumnado de 1º e 2º ESO): “Unha nova vida”, de Ana María Prieto Rodríguez.
Categoría Poción (alumnado de 3º e 4º ESO): “Relato de terror”, de Iria Barreiro Vázquez.
Categoría Santa Compaña (alumnado de Bacharelato): neste caso resultou gañador o relato presentado conxuntamente por Adrao Salgado, Xose Vilamor e Daniel Cabo
Parabéns @s gañador@s e participantes!!!


25/11/15

25 DE NOVEMBRO. EMILIA PARDO BAZÁN



Este ano, con motivo da celebración do día internacional contra a violencia de xénero, o Departamento de Lingua castelá decidiu  centrarse na figura da escritora galega dona Emilia Pardo Bazán, considerada unha das pioneiras do movemento feminista no noso país. 
A condesa estivo sempre rodeada de polémica, non só por as ideas progresistas sobre a muller recollidas nos seus escritos, senón tamén por o seu propio estilo de vida, que chocaba co esperable dunha aristócrata da súa época. Separada do seu marido, quen non apoiaba a súa vocación literaria, foi a primeira muller en ocupar unha cátedra de Literatura na Universidade e foi rexeitada tres veces a súa solicitude de ingresar na RAE polo simple feito de ser muller.
Os alumnos de 4º de ESO, que estudan a literatura realista e naturalista da segunda metade do século XIX en lingua castelá, profundizaron na vida e na obra da célebre escritora, pero sobre todo, nas súas ideas revolucionarias sobre a muller. Para iso fixeron exposicións orais na clase, viron documentais, e tal como vos amosamos, buscaron citas dispersas nos seus escritos nos que se recolle o pensamento da condesa. Herdeira do pensamento ilustrado do seu paisano Feijoo, abundan aquelas citas que proclaman o dereito da muller a un ensino de calidade. Destacamos tamén aquelas nas que se proclama o dereito a traballar o intelecto e non o aspecto, a non ser as perfectas amas de casa ou renunciar a ter fillos. Finalmente vemos tamén a denuncia das mortes desas mulleres anónimas asasinadas por os seus maridos .


Biblomelide Biblomelide de Slidely by Slidely Slideshow

25 DE NOVEMBRO. DÍA INTERNACIONAL CONTRA A VIOLENCIA DE XÉNERO



Este curso, para conmemorar o Día Internacional contra a Violencia de Xénero, o  alumnado do I.E.S. de Melide deseñou distintas campañas de concienciación co obxectivo de previr e erradicar este  grave problema. Estas campañas foron impulsadas polos Departamentos de Francés (3º de ESO) e Filosofía (4º de ESO).



Biblomelide Biblomelide de Slidely by Slidely Slideshow

Biblomelide Biblomelide's Collage by Slidely Photo Gallery

         

22/11/15

19 DE NOVEMBRO. DÍA MUNDIAL DA FILOSOFÍA.



O Día Mundial da Filosofía celébrase todos os anos o terceiro Xoves de Novembro e ten como finalidade fomentar o pensamento crítico e independente.

"O pensamento filosófico é unha ferramenta que acompañou ao ser humano desde a súa aparición na terra e foi o elemento central para que este evolucionara e transformase a súa contorna ata chegar ao que hoxe é o noso planeta e todos os seus desenvolvementos. O pensamento filosófico permea a todos os seres humanos e inflúe nas súas actividades cotiás á marxe de que estes o saiban ou o ignoren. O pensamento filosófico foi e é o camiño cara a unha calidade de vida caracterizada pola plenitude e a satisfacción”.
                                                                                                            Estudo da UNESCO: "A filosofía, unha escola de liberdade"

Estas foron algunhas das actividades organizadas polo Departamento de Filosofía do noso Centro para celebrar este día: