04/11/11

A ORIXE DO PLANETA DOS SIMIOS

Hoxe conmemoramos o Día da Ciencia en Galego con un cinefórum na biblioteca. A película escollida foi A Orixe do Planeta dos Simios.
Esta película é a precuela do Planeta dos Simios, do ano 68. Nela, un científico traballa nunha cura para o Alzheimer que está sendo probada en monos. Unha destas criaturas é César, cuxa intelixencia evoluciona de forma rápida e ao que o protagonista da historia leva ao seu fogar para protexelo da crueldade dalgún dos seus compañeiros. Pero algo sae mal.
A visión destas imaxes serve para facernos reflexionar sobre os riscos da enxeñería xenética, sobre a utilización dos animais para a experimentación, sobre o papel das farmacéuticas na nosa sociedade e, en definitiva, sobre a ética na ciencia.


Título: A Orixe do Planeta dos Simios


Título Orixinal: Rise of the Planet of the Apes

Xénero: Aventuras, Ciencia Ficción

Nacionalidade: USA

Ano: 2011

Director: Rupert Wyatt

Guión: Amanda Silver, Rick Jaffa

Reparto: James Franco, John Lithgow, Freida Pinto, Andy Serkis, Brian Cox, Tom Felton, David Oyelowo

5 comentarios:

  1. Anónimo7/11/11

    Penso que non se deben maltratar os simios,porque se alguén máis forte ca nós tivese a nosa intelixencia,gobernaría o mundo. Esta película,quérenos dicir que non podemos abusar dos animais.

    ResponderEliminar
  2. Anónimo7/11/11

    El origen del planeta de los simios é unha película bastante boa que me gustou moito. Trata dun mono intelixente que consegue que máis monos sexan listos e que rescaten a tódolos chimpancés torturados nos laboratorios de cura do Alzheimer.

    Marco.

    ResponderEliminar
  3. Anónimo7/11/11

    A película gustoume porque era moi entretida e tiña moita acción,e aprendín que se os animais tivesen tanta capacidade de pensar coma nós gobernarían eles.

    ResponderEliminar
  4. Anónimo8/11/11

    O que máis me impactou foi cando César lle colocou ben o garfo ó señor que tiña Alzheimer. O que máis me gustou foi cando César dixo as súas primeiras palabras. Non me pareceu ben que César lle arrincase un dedo ó veciño.

    Verónica

    ResponderEliminar
  5. Anónimo8/11/11

    Penso que a película está moi ben ,pero non me gusta cando maltratan os animais.O momento que máis me gusta da película é cando César vai á súa casa, colle os botes e bótaos polas gaiolas para que sexan listos ,e cando xa son listos rompen toda a cidade e se apoderan dela.
    Ana
    1º ESO

    ResponderEliminar