23 DE ABRIL:DÍA DO LIBRO

Para conmemorar o día Internacional do Libro, tivemos unha edición máis da Feira do libro usado.

O alumnado de Literatura Universal de 1º de Bacharelato montou  unha  marabillosa exposición do  produto final dun amplo traballo de investigación sobre as obras anónimas desde a Antigüedade ata o Lazarillo de Tormes. Elaboraron tamén un cuestionario para guiar o visonado desta exposición.

Desde a biblioteca fixemos unha selección de obras escritas baixo pseudónimo ou heterónimo na Literatura Universal dos séculos XVIII, XIX, X e XXI, do que tamén hai cuestionario.

O alumnado de 4º de ESO de TICs compartiu con nós o seu perfil literario.

POESÍA EN GALEGO

Entre o día 24 de febreiro, Día de Rosalía de Castro, e o día 21 de marzo, Día da Poesía, son varias as iniciativas que se levaron a cabo no noso IES  para fomentar a lectura e  o coñecemento da poesía en galego.

1.- Abride a fiestra!
Gracias a colaboración de moitos grupos do IES, abrimos as fiestras á poesía de Rosalía de Castro. Cada un destes grupos fixo unha ventá utilizando material de refugallo ou cartulina, e  escolleu un poema para expoñer nela.

2.- "Caldo de Gloria"
O alumnado de Artes Escénicas de 1º de bacharelato representou nas aulas "Miña casiña. meu lar" , poema no que Rosalía de Castro explica como facer un caldo humilde e no que relata a épica diaria da supervivencia.

3.- Poesía en todos os recunchos do noso centro!
Podemos deleitarnos na lectura dos versos de  dous novos poemas ao subir os chanzos que nos conducen  ao segundo e terceiro andar: A Fala, de Manoel María, e  Pulso 4, de Rosalía Fernández,


4.- Novísima poesía galega.
Para visibilizar  e dar a coñecer a poesía que se está a facer en Galicia, desde a biblioteca e EDNL, elaboramos  a presentación colaborativa "Novísima poesía galega", na que recollemos un poema de escritores e escritoras galegas nados, maioritariamente, a partir dos anos 80. Está abaerta a máis aportacións.
Esta selección de poemas está exposta no corredor esperando a que ti tamén, expreses mediante emoticonos, que che provoca a lectura deses versos.

MATRIA E O SEU DIRECTOR NO IES DE MELIDE

Matria de soigca

VISITA Á EXPOSICIÓN " A ARTE NO CÓMIC"

Alumnado de 2º  e 4º de ESO e  de 1º de Bacharelato visitou á exposición " Arte no cómic" na sede Afundación de Santiago de Compostela, exposición que recolle reinterpretacións  dalgunhas das obras máis emblemáticas da historia do arte a través dos cómics de 73 ilustradores e autores de prestixio.
Tamén participou nos obradoiros "Bocadillo de cómic e historia", o alumnado de 2º, e " O arte no cómic", o alumnado de 4º de ESO e 1º de Bacharelato. Mostramos aquí algunhas das súas producións.

21 DE FEBREIRO: DÍA INTERNACIONAL DAS LINGUAS MATERNAS

Con este motivo proxéctouse o documental de Manuel Piñeiro "A palabra xusta", un filme no que se aborda a vida de Antía Cal, mestra e pedagoga, que durante os anos 60 fundou unha das escolas con maior vangarda pedagóxica de Galiza.

É un documental biográfico no que se narran as experiencias persoais e profesionais dunha muller singular que no ano 1961 fundou o Colexio Rosalía de Castro de Vigo. Reflexo dunha vida e dunha que obra que aínda perdura entre o seu alumnado a día de hoxe.

"A palabra xusta" exhibe os pensamentos, as emocións e os recordos de Antía Cal, "Tita" para o seu alumnado. Este percorrido vital avanza dende as súas orixes, a súa infancia, o espertar da súa vocación ou a súa pelexa por poder estudar, até a chegada do grande amor da súa vida, Antón Beiras, ou a fundación dunha escola que ía romper co establecido até aquel momento: 

nenos e nenas xuntos, primeira escola bilingüe en inglés e castelán, pioneira no uso do galego, ...

O alumnado do IES de Melide de 3º de ESO e 1º de Bacharelato asistiu á proxección.

2 DE FEBREIRO: DÍA DA CANDELORIA

Día da Candeloria:concurso de cartas e chíos de amor

30 DE XANEIRO: DÍA DA PAZ

Día da Paz: Loita polos dereitos civís en EEUU anor 50 e 60 

A PINTURA NA LECTURA

A partir do século XVIII a lectura deixa de ser unha actividade exclusiva da élite social e intelectual e exténdese a toda a poboación. Aínda que en séculos anteriores hai representacións de persoas lendo, é  desde o século XIX cando empezamos a atopar por primeira vez esceas de lectura plenamente integradas na vida cotiá. A pintura convírtese nun excelente rexistro do acto de ler.
A presenza da lectura na pintura é tratada en varios recursos da rede como La lectura y la pintura en el s. XIX ; El arte de leer; Mujeres leyendo,...E ao revés?  Desde a Biblioteca fixemos unha selección de cómics e novelas  nos que a  pintura  está presente dalgún xeito.

A pintura na lectura de soigca

AGASALLA UN PRÉSTAMO

Este Nadal na biblioteca Xaquín Yebra puxemos en marcha a campaña "Agasalla un préstamo". Trátase de algo moi sinxelo: escollemos unha lectura ou película da biblioteca pensando en que pode gustarlle á persoa á que queremos agasallar e a solicitamos en préstamo para que ela a lea durante o Nadal. Logo procuramos preparar o mellor posible o noso agasallo, facemos un fermoso paquete con materiais reciclados, porque está claro que ademáis de gratuíto o noso galano ten que ser ecolóxico, engadimos unha tarxetiña e alá, a disfrutar.
Nesta última semana lectoras/es de todas as idades buscaron inspiración nos andeis da nosa biblioteca para facer o seu agasallo.
Está claro que non necesitamos gastar diñeiro nin consumir para facer facer un regalo magnífico, e que as mellores lecturas non teñen prezo.

CINE E DEREITOS HUMANOS

Utilizando como fonte a páxina de Amnistía Internacional "El cine i la Declaració Universal dels Drets Humans",  fixemos unha selección de títulos de películas para traballar na aula cada un dos 30 dereitos, 21 dos cales temos na biblioteca.
Na páxina mecionada faise unha proposta máis ampla e proporciónanse tanto ficha técnica como suxestións didácticas sobre cada película.

DÍA DOS DEREITOS HUMANOS: AS SÚAS DEFENSORAS.

Unha defensora dos dereitos humanos  é  unha persoa que traballa, de maneira pacífica, en favor de tódolos dereitos  proclamados na Declaración Universal dos Dereitos Humanos. Pode facelo  informando ó  público sobre violacións  de dereitos humanos ou promovendo campañas para a promoción e protección destes  dereitos. Defensores de dereitos humanos poden ser avogados que defenden a causa dos presos políticos  e o seu  dereito  a un xuízo xusto; nais de desaparecidos  que marchan para esixir a verdade sobre a sorte dos seus  fillos; comunidades campesiñas e indíxenas  que se organizan para defender o recoñecemento dos seus  dereitos; organizacións que loitan  contra a impunidade dos  autores de violacións  dos  dereitos  humanos. Esta "loita" polo respecto dos Dereitos Humanos é en moitos  países unha actividade de alto risco, e os  grupos e individuos que se comprometen nesta  vía son moitas  veces o  obxectivo prioritario de autoridades e de grupos privados que recurren a  desaparcións forzadas, execucións, detencións arbitrarias ou á tortura para facelos calar.

Este 10 de decembro, Día dos Dereitos Humanos, queremos visibilizar e respaldar a importante labor destas persoas presentando, de forma moi resumida, as accións dalgunhas delas. Nesta selección intentamos incluír a persoas de diferentes procedencias, de épocas dispares, algúnhas coñecidas e outras non, e defensoras de moi distintos dereitos. Podemos e queremos  completar este listado coas túas suxestións.

25 N: DÍA INTERNACIONAL DA ELIMINACIÓN DA VIOLENCIA CONTRA AS MULLERES

NOVIDADES

QUINCENA DA MEMORIA HISTÓRICA

No comezo de novembro vimos de finalizar a Quincena da Memoria Histórica, coordinada pola Biblioteca e o Departamento de Xeografía e Historia, como estrea do tema de traballo monográfico deste curso, Anonim@s, que como dixemos máis abaixo pretende rendir unha homenaxe aos milleiros de homes e mulleres descoñecidos que contribuíron a crear o patrimonio cultural e neste caso concreto, o noso legado histórico.

Na segunda metade do mes de outubro poidemos disfrutar nos corredores da planta baixa da exposición “Exilio e Deportación. Joaquín Balboa e Antonio Pérez, de Monterrei e Boborás aos campos nazis” que facendo un seguimento da biografía destes dous galegos que acabaron nos campos de concentración alemáns, explica o final da Guerra Civil española e o terrible destinos de milleiros de españois, así como as características e condicións de vida nos stalags nazis. Un bo número de alumnos e alumnas visitaron a exposición e fixeron cuestionarios e traballos, algún deles espectacular, como o caderno que se pode ver nas fotos de abaixo, obra de Anita Fuciños, de 2º de ESO A.
Un dos galegos nos que se centra a exposición, Joaquín Balboa, foi coprotagonista do documental Mauthausen, regreso ao campo da morte, que en 1989 dirixiu o xornalista da TVG Manuel Torrente, quen presentou o documental e moderou un coloquio entre o alumnado de BAC o pasado 23 de outubro no noso centro.

Tamén puidemos contar coa presenza da xornalista Montse Fajardo, quen deu a unha charla ao alumnado de 4º de ESO sobre a represión que sufriron mulleres galegas despois do golpe de estado do 36. Moitas destas estas historias están recollidas no seu libro Un cesto de mazás, do que limos algún relato no club de lectura.

Durante todos estes días tamén tivemos expostos na nosa biblioteca Xaquín Yebra materiais relacionados con este tema: cómics, libros de historia, novela, películas... Un destes cómics, Deportado 4443, remata coa seguinte frase: "Sempre alerta, irmán de infortunio e sufrimento. Sempre alerta, se queremos que alqueles anos de agonía non volvan", que resume ben o noso principal obxectivo desta quincena de actividades.

DÍA DAS BIBLIOTECAS: "BIBLIOTECAS NA SEGUNDA REPÚBLICA"

Bibliotecas en la Segunda República from soigca

Co gallo do "Día das bibliotecas" e dentro da "Quincena da Memoria histórica", fixemos esta  presentación. É a nosa pequena homenaxe a todas aquelas persoas que durante este período participaron no labor de alfabetización e mellora do nivel educativo e cultural dos sectores máis desfavorecidos da poboación española, fundamentalmente, os campesiños, obreiros, nenos e habitantes de lugares de difícil acceso, labor no que desempeñaron un papel moi importante as bibliotecas e @s bibliotecari@s. E non nos podiamos esquecer daqueles que traballaron duramente para preservar o tesouro bibliográfico e documental, ameazado por todo tipo de perigos durante a guerra civil.

A continuación, adxuntamos o enlace dunha relación de preguntas e actividades sobre a presentación:
https://drive.google.com/file/d/0B42Ec5ZVXoHRX0dDdHU5QldEelE/view?usp=sharing

DÍA DAS BIBLIOTECAS

Este curso 2018-19 escollemos como lema “Mudamos fronteiras por pontes”, inspirándonos no tema Fronteiras de Guadi Galego.  Baixo este lema consideramos que teñen cabida todas aquelas iniciativas que conlevan o obxectivo de artellar estratexias de achegamento a realidades que nos resultan incómodas, cara ás que temos prexuízos ou que sentimos alleas.  E dentro destas iniciativas está o xerme que deu lugar a elección desta temática de traballo: as emocións, a linguaxe non violenta, a resolución de conflitos, a razón e a lóxica frente ás respostas violentas, a convivencia desde as diferencias.

Enlazando isto co Día das Bibliotecas, queremos destacar o papel da biblioteca de Daraya, en Siria, biblioteca  que foi un oasis de cultura durante a guerra para habitantes deste poboación.

Mudamos fronteiras por muros: Biblioteca de Darayara

SAMAÍN 2017: CERTAME LITERARIO E CONCURSO DE EPITAFIOS

A VICEDIRECIÓN, A BIBLIOTECA, o EQUIPO DE NORMALIZACIÓN E DINAMIZACIÓN LINGÜÍSTICA e o DEPARTAMENTO DE LINGUA GALEGA do IES de Melide, convocan:

- O certame literario "Relatos terroríficos Samaín 2017" para o alumnado de 1º e 2º ESO.

- O  concurso de  epitafios "RIP, RIP, HURRA!" para o alumnado de 2º e 3º ESO, 1º e 2º de Bacharelato, ESA, EBI, FP Básica e Ciclo de Madeira.

Aquí tes as bases:

“RELATOS TERRORÍFICOS SAMAÍN 2017”

BASES:

1.     Poderá participar no Certame todo o alumnado de 1º e 2º ESO.

2.    Os relatos presentados deberán ter un carácter “terroríficamente aterrador” e estar relacionados co momento do Samaín.

3.    As obras presentadas deberán estar escritas en lingua galega.

4.    A extensión dos traballos a presentar é libre.

5.    Os traballos, nos que se farán constar os datos do/a autor/a, deberán presentarse na Biblioteca.

6.    prazo de entrega comeza o luns 23 de outubro e remata o venres 3 de novembro no recreo.

8.    Os premios serán entregados nun acto que terá lugar  na Biblioteca nun data a determinar.

9.    PREMIOS:

Haberá premios para o primeiro, segundo e terceiro seleccionado, aos que lles corresponderá:

1º Premio:Tres semanas de bocatas gratis na cafetería do centro e un libro de temática terrorífica.

2º Premio: Dúas semanas de bocatas gratis na cafetería do centro e un libro de temática terrorífica.

3º Premio: Unha  semana de bocata gratis na cafetería do centro e un libro de temática terrorífica.

"RIP, RIP, HURRA!!”

BASES:

1.     Poderá participar no concurso  calquera alumno ou alumna do centro de 3º e 4º de ESO e 1º e 2º de bacharelato, ESA, EBI, FP Básica; Ciclo de Madeira.

2.    A participación será individual. Os  textos deben ser orixinais e inéditos.

3.    Valorarase que sexan enxeñoso, pero non poden ser ofensivos nin incluír groserías.

4.    Os traballos poden presentarse en diversos materiais (cartulina, cartón, poliexpán…) ou outros materiais reciclables, pero procurando imitar unha lápida (campa) . As  dimensións non  podrán exceder de DIN-A3 ou DIN-A4.

5.    Os epitafios deberán estar escritos en lingua galega.

6.    Os traballos, nos que se farán constar os datos do/a autor/a, deberán presentarse na Biblioteca.

7.    O prazo de entrega comeza o luns 23 de outubro e remata o venres 3 de novembro no recreo.

8.    Os premios serán entregados nun acto que terá lugar nunha data a determinar na Biblioteca.

10. Categorías:

Epitafio ( valorarase, especialmente, o texto )

         Lápida ( valorarase especialmente o deseño )

11.  Premios::

Haberá tres premios por categoría, en forma de vales, e que poderán trocarse    en calquera librería de Melide.

ANÓNIM@S: QUINCENA DE "MEMORIA HISTÓRICA"

A  exposición “Exilio e Deportación, de Monterrei e Boborás aos campos nazis”, estará disponible nos corredores da planta baixa do instituto do 16 ao 30 de outubro. Esta exposición é parte da homenaxe que a asociación cultural ‘Monterrei, cultura e territorio’ lle tributou ao veciño de Estevesiños (Monterrei), Joaquín Balboa, preso no campo de Mauthausen durante a II Guerra Mundial, no verán do 2016, e cremos que pode ser unha boa introdución ao tema Anonim@s, en torno ao cal vai xirar este ano o traballo da biblioteca.

O obxectivo é dar a coñecer as experiencias vividas polos exiliados republicanos españois deportados aos campos nazis, tendo como referencia os casos concretos de Joaquín Balboa (deportado ao principio da II GM) e Antonio Pérez (de Boborás, membro da Resistencia francesa). Procurouse, tamén, que as mulleres tivesen o espazo que lles corresponde entre as vítimas do fascismo, con Mercedes Núñez Targa como exemplo máis próximo. Concienciarnos  da necesidade de estar vixiantes e loitar para que non se volva repetir a traxedia vivida polos republicanos españois, segue a ser moi necesario hoxe.

O alumnado de 1º e 2º de BAC  tamén asisitira a proxección do documental da TVG protagonizado por Joaquín 'Mauthausen, regreso ao campo da morte' e a unha charla coloquio moderada por Manuel Torrente, o seu director, o próximo luns 23 de outubro.

Estes días na biblioteca faremos unha exposición de libros relacionados con este tema.

O alumnado de 4º de ESO de historia tamén asistirá o mércores 25 de outubro a unha conferencia impartida por Montse Fajardo, autora do libro "Un cesto de mazás", que rinde homenaxe as mullleres vítimas do 36, e do que estamos a ler algún relato no club de lectura.

Podes ver aquí o programa :.Quincena de "Memoria histórica"

ANÓNIM@S

Presentámosvos o tema sobre o que traballaremos este ano: "ANÓNIM@S" .  Por que anónim@s? Porque englobamos baixo este título a cultura de autor anónimo ou pouco coñecido, en especial as autoras , as mulleres que quedaron nas marxes da Historia pola súa condición feminina. Tamén  a cultura popular e aqueles homes e mulleres que dende a súa condición de pequenos protagonistas forman parte do noso legado cultural e histórico.

Cremos que, ademais, enlaza perfectamente co monográfico dos curso pasado, o 50 aniversario do centro: os pais, nais, alumnado, profesorado, persoal non docente, equipos directivos, ...que formaron e forman parte desta comunidade educativa, son os pequenos e grandes protagonistas desta andaina de medio século.

RenovArte

Fronte a porta da biblioteca estase a usar un panel de cortiza para colocar anuncios, novas, recortes de prensa, ... que teñan relación co mundo da arte. Exposicións, subastas, películas, como a da amizade rota entre Paul Cézanne e Emilio Zola.

O epígrafe é RenovArte e está a aberto a todas as persoas que teñan algo que contar do mundo do deseño, a moda como manifestión creativa, a decoración e as artes plásticas.

NOVIDADES

https://issuu.com/soniaiglesiascastro/docs/novidades_setembro

INVESTIGANDO NA BIBLIOTECA

Na primeira semana de setembro, na biblioteca  organizamos unha visita guiada para o profesorado e personal non docente, e unha actividade   de investigación  para o alumnado de 1º ESO, ambas co obxectivo de dar a coñecer os recursos e servicios da biblioteca e como acceder a eles, así como suscitar o interás cara o seu uso.


Sonia Iglesias Castro de Slidely by Slidely Slideshow

BENVIDAS!

Comezamos un novo curso no que compartiremos lecturas, actividades e soños. O lema proposto para a campaña anual de bibliotecas escolares é: "Aprende a pensar coa bilblioteca escolar", pois “este é un espazo privilexiado para que o alumnado non perda a súa capacidade de asombro; para que aprenda a formularse preguntas diante dos distintos fenómenos naturais ou sociais e, tamén, a procurar algunhas respostas á complexidade que lle toca vivir. Aprender a pensar a través dos contos, da tradición oral, das lecturas de ficción, da poesía, do teatro; a través das lecturas de materiais de divulgación científica, a través das investigacións. Aprender a pensar co cine e coa música. Aprender a pensar a través do diálogo, nos clubs de lectura, nas actividades compartidas"

PESCA UN BO LIBRO PARA ESTE VERÁN

NOVIDADES

novidades maio

AMPLIANDO OS FONDOS EN PORTUGUÉS

ACTIVIDADES DA SEMANA DAS LETRAS

Para conmemorar  as Letras Galegas 2017,  leváronse a cabo as seguintes actividades:

- Exposición de nubes de palabras deseñedas polo alumnado de TIC de 1º de Bacharelato.
- Luns 15 de maio: Pequena improvisación teatral a cargo do grupo TEIROA.
- Reparto dun pequeno agasallo conmemorativo.
- Reparto dun  tríptico sobre vida e obra de Carlos Casares.
- Martes 16 de maio: Participación no festival das Letras organizado pola asociación AMARAI.
- Exposición de libros de Carlos Casares na Biblioetca do centro.
- Presentación das novidades en galego adquiridas este curso 2016-17 para a Biblioteca.
- Exposición do conto "A Galiña Azul" ilustrado por alumnos de 1º ESO.

Letras Galegas 2017

NOVIDADES EN GALEGO

A semana das Letras presentamos todas xuntas as novidades en galego adquiridas pola Biblioteca do centro durante o presente curso ata primeiros de maio. Están no taboeiro da biblioteca e agora tamén no blog.

Novidades en galego na biblioteca Xaquín Yebra curso 2016-17 from soigca

12 DE MAIO: DÍA ESCOLAR DAS MATEMÁTICAS

Para conmemorar o día Escolar da Matemáticas, o venres  12 expuxemos  no corredor da biblioteca o resultado de varios traballos realizados por grupos de diferentes niveis ao longo da segunda avaliación e principios da terceira:

1.- "¿Que é o número Pi?, traballo de investigación feito polo alumnado de 1º ESO.
2.- "Roscón Matemáticos", realizados polo alumnado de 2º e 4º ESO.
3.- "Fibonacci está entre nós", traballo de investigación sobre a presencia da serie de Fibonacci ao noso redor, feito por alumnado de 3º ESO.
4.- Proxección de dous vídeos con contido matemático realizados por alumnado de 3º e  4º ESO.

Durante o recreo,  os alumnos Xoel e Lía (1º ESO)  déronnos unhas nocións básicas para a resolución do cubo de Rubik 3x3x3, ademais de confeccionar uns carteis con información sobre este puzzle tres dimensión e as súas variantes. Puidemos tamén disfrutar da exposición de máis de 50 cubos de Rubik e variantes gracias a eles,  Patricia (1º BAC) e Dolores (3º ESO), que nos cederon por un día as súas pezas.

Algúns animáronse a facer figuras co Tangram, xogar ao tres en raia ou tratar de trasladar a torre dun pao a outro seguindo as normas das Torres de Hanoi,  tamén durante o recreo.

Ao longo da xornada, o alumnado de 2º ESO  que elaborou os roscóns, púxoos en practica cunha competición,  e o resto xogou ao parchís, que nesta ocasión tiña, en cada casilla,  unha cuestión matemática con contidos traballados neste nivel ao longo do curso.

Na biblioteca montamos unha pequena exposición con libros nos que se combinan matemáticas con retos, maxia, teatro, asasinato, intriga, diarios, sonrisas, arte, ...

!Gracias atodos pola vosa colaboración e facernos disfrutar das Matemáticas!


Sonia Iglesias Castro de Slidely by Slidely Slideshow

SEMANA DO LIBRO: ¿COMO O CELEBRAMOS?

Como anunciabamos na entrada anterior, empezamos a semana do libro combinando poesía e gominolas cos "Canapés literarios", canapés que prepararon e repartiron alum@s de 1º de ESO durante o recreo.!En menos de dez minutos non quedaba nada! !Soubo a pouco!
Tamén o alumando de 1º de ESO decorou o corredor principal con cartaces adicados ao Día do Libro e ilustracións de poesías de distintos autores, e podemos disfrutar da presentación que elaboraron para compartir con nós os seus libros favoritos en galego. O alumnado de 4º de ESO fíxonos recomendación de libros en lingua castelá. ¡Xa tomamos nota de libros para o verán, que está aí, á volta da esquina!
O alumnado de 1º e 4º de ESO cedeu á biblioteca para a súa exposición dúas xoias resultado dos “Obradoiros de escritura creativa” : “Libro Partido” e “Jitanjáforos!
O luns achegouse ata o centro Diego Horschovski para presentar ao alumnado de 1º de bacharelato e 4º de ESO “LUME”, revista de Filosofía. ¡Iniciativa moi interesante e valente!
Os departamentos de latín e grego desenvolveron, un ano máis, un obradoiro de escritura, convertindo a biblioteca do Xaquín Yebra do IES de Melide en biblioteca de Alexandría por un día. O martes no recreo a biblioteca encheuse de copistas ataviadas como antigas gregas e romanas que escribían textos clásicos latinos e gregos sobre papiro utilizando un cálamo. A realización deste obradoiro non sería posible sen o apoio incondicional do profesorado e alumnado do Ciclo de Madeira do IES de Melide, que fabricaron uns cálamos de altísima calidade, umbilici para enrolar os pairos e unha espectacular cadeira klismos.
O mércores proxectamos durante o recreo os traballos feitos polo alumnado de PMAR sobre o escritor galego Valle Inclán, e a poetisa madrileña Gloria Fuertes, de cuxos nacementos cumpríronse, ao longo deste curso, 150 e 100 anos respectivamente. Achegáronnos dun xeito moi ameno e visual á vida e obra destes dous escritores. Desde a biblioteca quixemos completar a homenaxe a estes dous autores e outros dos que no 2017 se celebraba algún aniversario coa exposición “Vai de aniversarios”. Rematamos a semana coa segunda edición da “Feira de Intercambio de libros".
¡Gracias a todos e todas pola vosa colaboración e parabéns polos traballos feitos!

O meu libro favorito

Presentación día do libro