Neste último día de xuño non podemos máis que desexarvos a todos e todas un verán cheo de lecturas! Os libros cargan as pilas teras un curso ás veces abafante.
Aquí tedes algunhas recomendacións que vos poden axudar a pasar a época estival.
16/06/25
Incorporacións á Biblio. Anatomicum
As novidades na biblio sempre son ben recibidas, pero se ademais son así de fermosas e con tanto detalle aínda nos gustan máis. Neste caso temos un museo do corpo humano nas nosas mans. O Anatomicum fai unha viaxe polas centos e milleiros de partes que compoñen a engranaxe da máquina que nos mantén con vida e que máis debemos coidar: o noso corpo.
A autora é Katy Wiedman e pubícao a editorial Impedimenta. Na biblio tes á túa disposición ademais o Insectarium.
02/06/25
Torneo de Xadrez
Nas últimas semanas estivemos desenvolvento o Torneo anual de xadrez na Biblio. Xa é tradición e temos un grupo de alumnado difícil de bater. Quen credes que gañou?
21/04/25
Obradoiros: punto de cruz
A nosa compañeira Clara non só sabe de letras. Tamén sabe facer arte cuns poucos fís. Ensinounos durante varios recreos a aprendernos a bordar con punto de cruz e saíron figuriñas verdadeiramente fermosas. Tedes na biblio, á vosa disposición, bastidores, tea e fíos para probar se o desexades!
03/03/25
Os xogos da Biblio
A biblioteca do IES de Melide é un espazo multidisciplinar, no que podes ler, estudar, debuxar, conversar e tamén xogar.
Esta é unha das últimas incorporacións: O Slapzi, un xogo con múltiples modalidades que está a causar sensación. Xa o probaches?
.jpeg)
.jpeg)
25/02/25
Homenaxe a Rosalía
O día do nacemento de Rosalía sempre é un día espcial. É por iso que este ano, para conmemorar o nacemento da nosa escritora nacional, inmortalizamos a lectura dos seus versos nun fermoso photocall, che de rosas e camelias. Por alí pasaron alumnos, alumnas e profesorado, porque non merece outra cousa ca un altar. Podedes ver aquí unha pequena mostra.
.jpeg)
15/02/25
O día no que casan os paxariños
Coa entrada do mes de febreiro, xa se albiscan os primeiros paxariños na busca de boa compaña. Comezan a medrar os días e o sol combina moi ben con ventos frescos e mañás xeadas. Celebramos ese día que medio inverno vai fóra, e que apenas queda a outra metade.
Di a lenda que o día 2 de febreiro é o día no que casan os paxariños e nós celebramos esta data recordando os bicos máis emblemáticos da hsitoria da arte, do cine e da literatura. Saberías recoñecer a quen pertencen estas mostras de amor?
.jpeg)
.jpeg)
.jpeg)
16/01/25
Pasaporte lector
É ben sabido que cos libros podes viaxar a outros mundos, coñecidos e por coñecer, próximos ou máis afastados. Por iso, na Biblio do IES de Melide podes adquirir o teu pasaporte lector e selar aqules libros que te levaron a coñecer mundos xamais soñados.
Con cada selo, podes obter un pequeno agasallo; porque ler é iso, un agasallo.
Subscribirse a:
Publicacións (Atom)